NOY101

Ang kahulugan ng buhay ay nasa mga maliliit na bagay... yung mga sa tingin natin walang kwenta minsan bumubulaga nalang sa atin bigla, napakahalaga pala... Eto ang mga kawalang kwentahan ng buhay ko...tingnan niyo... malay niyo... mabulaga kayo...

Login (Username/Password) mabinidemolay mail
  • SIGN UP!
  • JOIN MABINIDEMOLAY YAHOOGROUP! (Yahoo ID needed)
  • Tuesday, February 08, 2005

    Flavor of the Month

    Isang buwan at limang araw ang dumaan, bulaga! eto nako...

    Gusto ko sanang ikuwento sa inyo kung bakit ako nawala... medyo iba na ang orasan ng buhay ko pare... nagkaroon na ng kakaibang ikot ang mundo ko chong... ang tawag... Rafs77...

    Ngayon ko nararamdaman na buhay ako... na ang lahat ng pinag-aralan ko, bigla nalang nakikibagay na sa bagay na ginagawa ko mismo... para bang nagising ako bigla, nakampucha di na pala ako nananaginip...

    Bakit naman di ako magyayabang... lahat ng bagay kung saan magaling ako, ginagawa ko... umiinom, nagbibiro, nagpapakulo (naaalala niyo nung nagtapon ako ng benteng sakong yelo sa swimming pool ko?), tumutugtog, naghahanap ng tumutugtog, nagsasabi kung ano ang pagkaing bagay sa beer, gumagawa ng mga promo na bagay sa manginginom... sa madaling salita... ginagawa ko ang gusto ko...

    Napaisip tuloy ako (Anaknampotcha naman noy, ok na kuwento mo biglang napaisip ka na naman?)... diba sa totoo lang naman buong buhay natin ginagawa natin ung mga maliliit na bagay na gusto nating gawin? sa tingin ko, kung maliliit na bagay ang pag-uusapan, mukha yatang lahat tayo nagawa ang gusto natin....

    Yung bayaw ko nahihilig ngayon sa pagbihis ng awto... yung isang bayaw ko sa motor... yung isa sa mga ate ko sabi sa kin "Eh... Flavor of the month eh..."

    Totoo nga... Flavor of the month ang buhay ng tao... parang bar... diba? Sa umpisa ang isang bar, ang sarap inuman... sasabihin mo pa... dito na ko lagi... kasi at home ako... tapos biglang magsasawa ka rin.... wala kang nakikitang bagong gimik... wala kang nakikitang bagong renovation... kung iisipin natin, nabulok na sa isip mo yung bar... kagaya rin nito ng mga flavor of the month ng buhay natin... example? aba... magaling si noy diyan.. GAME!

    ang bote ng gatorade, pag-ubos na ang laman, may gamit pa... naaalala niyo ba nung nauso ang napakacool na "takip ng gatorade"? TIK TIK TIK TIK TIK TIK!!! sa mga hindi nakakarelate, sori na lang...

    Sa mga taga bene, naaalala niyo ba nang ibinintang ang pagkapossess ng kalulwa ng mga kaeskuwela natin sa magic cards? haaaaay.... ilan rin ang naloko diyan.... kasama nako dun... TAP! DONE!

    Nung 80s naman tayo... Panini sticker albums... CHOOOOOOONG... kelangan niyong bumili ng napakaraming sticker packs para lamang pakumpleto ang isang album tungkol sa marvel, dinosaurs at kung anu-ano pa (dun ko natutunan kung ano ang brontosarus, brachiosarus, at archeopteryx.)

    Pabata nang pabata... eh yung... PENCIL CASE NG HAPON!!! yung may anim na pindutan (uuuuuuuuuy..... lima lang yung sa inyo no???) lalagyanan ng eraser, thermometer, incline ng lapis, magnifying glass at kung anu-ano pa...

    Masarap maging bata no? teka lang... puwera muna biro...

    Odds sa Nba... may mga nagdaan dito diba? ayos talaga pare... pinukaw ang interes, nauso... yun nalang ang ginagawa mo ng ilang buwan, may napulot ka ba?

    Networking!!! Ayos pare, konti lang ang kilala kong tumatagumpay dito, pero meron... sa mga ibang sumubok at gumamit ng oras at hindi nagtagumpay... mmusta na? Flavor of the month diba?

    Marami pang ibang flavor of the month... pero alam niyo kung ano ang naisip ko? masyadong masarap ang buhay... ang rami nang mga palusot ang pwede nating sabihin a mga pamilya natin para magpalabuy-laboy... napakrami nang mga rason ang puwede nating sabihin para maging tamad... sa panahon ngayon, hindi na natin alam kung paano makita ang pagkakaiba ng Flavor of the month sa obligasyon... kung ano ang pagkakaiba ng gusto sa kailangan...

    Kelan ba natin huling sinabi sa nanay natin na "ma... naghahanap naman talaga ako ng trabaho eh... Kaya ko naman mag-aral ma eh.... nag-eenjoy lang ako..."

    Spoiled ang bagong henerasyon... spoiled tayo hanggang sa kaibuturan... wala nang masyadong pressure na mahanap ng bagay na didikitan mo sa buong buhay mo... siguro mas karapat-dapat na terminolohiya... wala nang pressure na maging tapat sa iisang trabaho, sa iisang kumpanya nang buong buhay mo... wala nang tiwala... wala nang pagkakatiwalaan...

    Hanggang kailan tayo puro Flavor of the month... Kailan matatapos ang Tamiya, ang magic cards, ang playstation, ang cellular phone, ang spoiler ng awto, ang PDA, ang bagong gadget sa PC, ng mas mataas na suweldo... Kelan natin aaminin sa sarili na kelangan natin aminin na ang mundong tinitingnan natin ay masyadong malaki para tahakin natin habambuhay... kailan tayo malalagay sa tahimik... pag kinasal ba tayo? marami sa atin, stuck pa rin sa Flavor of the month... sa hilig... sa gusto...

    Maikli, simple... nakahanap nako ng flavor na panghabambuhay... hanap na rin kayo...